Ақ көйлек киіп «күйеуге шыққан» қазақ әжей желіде жұлдыз болды (видео)

16 қараша 2017, 16:55

Instagram желісінде ақ көйлек киіп, басына ақ фата таққан қазақ әжей мен смокинг киген атайдың некесін қидырып тұрған видеолары тарап кетті.

Видеода неке қию қызметкері: «Бұл 50 жыл бұрынғы үрдіс» екенін айтады. Соған қарап желі қолданушылары ата мен әжей шаңырақ көтергендерінің 50 жылдығын тойлап жатыр деген болжам жасады.

«Бәлкім әжеміз кезінде ақ көйлек кие алмаған шығар. Енді сол арманына балалары мен немерелері орындап жатса несі айып?!», «Атамыз шырттай болып костюм- шалбарда, әжеміз ақ көйлекте жарасымды жұп болып тұр! Бақытты болсын!», «21 ғасырдың қарттары деген осы болар», «Алтын той тойлауды біздерге де нәсіп етсін! Қатты сынға алмаған жөн», — деп жазды желідегілер.