Әйелді байлап, пәтерін тонап кеткен

Атырауда әйелдің пәтеріне белгісіз біреу басып кіріп, әйелді байлап тастаған, деп хабарлайды Today.kz mgorod.kz сайтына сілтеме жасап.

Оқиға 8 желтоқсанда болған. Полицияға 33 жастағы әйел хабарласып, біреудің пәтеріне басып кіріп, өзін байлап, тонағанын жеткізген.

«Жәбірленушінің сөзінше, 8 желтоқсан күндізгі 16:00-дер шамасында белгісіз ер адам оның үйіне басып кіріп, пышақпен қорқытып, күш қолданып, қолы мен аяғын төсек жапқышымен байлап тастаған. Сосын үйде тұрған ақшаны, «Айфон», «Самсунг» маркілі 5 ұялы телефонды қолды қылған. Келтірілген шығын мөлшері — 817 000 теңге. Материал ҚР ҚК 192 бабы, 2 бөлімі «Тонау» бойынша тіркелді», — деді Атырау облыстық ІІД баспасөз қызметі.

Осы іске күдікті ретінде Атырау қаласының тұрғыны, 30 жастағы ер адам ұсталды.