Айтбектің бұл іске атсалысуы керек емес: Қаржаубайдың қарындасы адвокаттардан бас тартпағанын мәлімдеді (Видео)

19 наурыз 2025, 14:40

Сурет: instagram.com/dinmuhamed_kamatay/ instagram.com/aitym/

Кеше өзін қоғам белсендісі деп жүрген Айтбек Амангелді Шерзат ісінде Қаржаубай Нұрымов адвокаттарынан бас тартқанын хабарлаған болатын. Бүгін Қаржаубай Нұрымовтың қарындасы Перизат осыған қатысты мәлімдеме жасады, деп хабарлайды jasqazaq.kz

Ол адвокаттардан бас тартпағанын айта келе, соңғы күндері болған жәйттерге байланысты Амангелді Айтбектің бұл істе әрі қарай атсалысуы қажет емес деп санайды.
Перизат Нұрымова қорғаушылардан бас тарту дегенді Айтбек Амангелдінің өзі шығарғанын ашық айтты.

«Қаржаубай Айтбек мырзаның адамға деген дөрекілігі, шамадан тыс артық сөйлеуіне байланысты ескерту берген болатын. “Бұлай іс насырға шапса, екеуіміз келіспесек, қорғаушылармен келісімшартты бұзамын” деген ескерту ғана берген. Жеке нөміріне жазған. Оны не үшін жариялап жібергені бізге де анық емес. Оған Айтбек мырзаның өзі жауап берер», — дейді Перизат Нұрымова.