«Адамды тіленшілікке тәрбиелейді»: Ахметбек Нұрсила 100 пәтер сыйлаған Алагөзөвті сынады

Сурет: Ашық дереккөзден

Бірнеше күннен бері Тұрсен Алагөзовтың жұмысшыларға 100 пәтерді тегін таратқанына риза болып, мадақ айтып жатқандар көп. Кәсіпкер Ахметбек Нұрсила осыған қатысты өз пікірін білдірді, деп хабарлайды jasqazaq.kz.

Ол Фейсбуктағы парақшасында «Тегін тегіңді бұзады!» деген пост жариялады. «Алагузов 100 үй ТЕГІН беріпті деп халық қолдап, мақтап, мадақтап жатыр. Мен еш қолдамаймын:

«1. Тегін беру біреуді қорлау, мазақтау деп санаймын! Адамдарға жағдай жасау керек, олар өзіне керегін өз еңбегімен тапсын. Балық берме, қармақ бер!
Америкада ТЕГІН үй беру Пруитт-Айгоу деген қайғылы экспериментінен кейін бұдан бас тартқан еді! Адамдарды масылдыққа, тіленшілікке тәрбиелейді. Адал еңбеімен таппай, біреуге алақан жайып, телміріп өмір сүруге, сорлы болуға жетелейді!
2. Ол Қазақстандықтарды Макси Чай және Сыра сияқты улап тапқан ақшаның 1% халыққа итке сүйек лақтырғандай лақтыра салды, халық соған мәз((( Макси Чай мен Сыраның зияны жайлы Жасанды Интелектен, интернеттен , мамандардан сұрап алсаңыздар болады!», деп — жазды ол.