«Мектепке жол» шарасы аясында ақтөбелік тәртіп сақшылары балаларға арнап 5,5 млн. теңге қаржы жинап, есеп шоттарына аударды, деп хабарлайды pаtrul.kz.
«Өкінішке орай, әлі де өмірде түрлі жағдайларға байланысты ата-анасының жылулығы мен қамқорлығынсыз қалған балалар бар. Алайда оларға еліміздің болашағы ретінде толыққанды азамат болуына тең мүмкіндіктер қарастырылу керек. Сондықтан, оларға тиесілі білім беруге қолдан келген бар жағдайды жасаймыз. Балалардың жақсы оқуына және қажетті барлық нәрселермен қамтамасыз етуге жағдай жасау азаматтық борышымыз деп санаймыз» -делінген Ақтөбе облысы ІІД баспасөз ақпаратында.
Ақтөбелік полицейлер барлық балаларға жаңа оқу жылына сәттілік тілей отырып, олардың болашақта Еліміздің абыройын одан әрі асқақтар лайықты азамат боларына үлкен сенім білдіреді.
WhatsApp: +7 705 717 9113
