Нью-Йоркте «Қымбат әлем» (Dear World) атты кітаптың тұсаукесері өтті. Оның авторы 8 жасар Бана эл-Абед есімді сириялық қыз, — деп жазады Ансар.ру. Аталмыш кітаптың тұсаукесері оқырмандар арасында үлкен қызығушылық тудырды.
Қазіргі уақытта Алеппода туып-өскен Бана өз отбасымен Түркияда тұрады. Кіп-кішкене сириялық қыз бен оның анасы әлеуметтік желілерге 6 жылға созылған Сириядағы соғыста зардап шегіп жатқан балалардың тағдыры туралы жазу арқылы танымал болған болатын.
Кітаптың тұсаукесері Нью-Йорк университетінде өткен. Шарада автор және оның анасы кітаптан үзінді оқып беріп, қолтаңбаларын таратты.
Кітаптың толық атауы мынадай: «Қымбат әлем: сириялық қыздың әскери тарихы мен бейбіт өмірге үндеуі». Тұсаукесердің қатысушылары кітаптың үзінділерін тыңдай отырып, еріксіз көздеріне жас алды.
WhatsApp: +7 705 717 9113
