62 том: Шерзат Болаттың ісіне қатысты тергеу аяқталды

Өткен жылы қазанда мерт болған Шерзат Болаттың өліміне қатысты тергеу жұмыстары аяқталды, деп хабарлайды jasqazaq.kz. 

Алматы облысы полиция департаментінің мәліметінше,  екі жақтың қорғаушылары қылмыстық іс материалдарымен толық танысып, іс сотқа жіберу үшін прокурорға жолданған.

Тергеу кезінде 40 сот сараптамасы жүргізіліп,  200 шақты куәгерден жауап алынған. Күдіктілердің  жауабы  тексерілді, процеске қатысушыларды  бір-бірімен беттестерді.

Қылмысқа қатысушылардың барлығына құқықтық баға бере отырып, 8 бейнематериал зерттелді. Қылмыстық іс 62 том болды. Оның ішінде жинақталған барлық дәлелдеме, сараптама қорытындысы, жауап алу хаттамасы және басқа да маңызды материалдар бар.

Облыстық полиция тергеудің барысы және процеске қатысушылардың конституциялық құқығының сақталуы прокуратура органдарының бақылауында болғанын атап өтті.

JQ-Aqparat

Сурет: inform.kz