«60 млн төлей алмаймыз». Абзал Шынасылдың анасы шынын айтты (Видео)

17 маусым, 16:21

«El Дауысы» Youtube арнасы Шерзат Болаттың өлімі бойынша сотталғандардың ата-аналарынан сұхбат алды.

Абзал Шынасылдың анасы Ақбота Есбергенова: «Жағдай өте қиын, балама көп жыл берді. Мен оған келіспеймін. Өз ісін мойындады ғой, сонымен жазалағанда болар еді. Істегенімді айттым деді, болды. Өкінішті, қиын болды. Сол жақта жұмыс жасап, ақшалай болса да өтесе. 60 миллион төлей алмаймыз. Төлейтін үйім де жоқ, жағдайым да жоқ. Екі ай шапқылап, өзіміз де қиналып кеттік», — деді. Сондай-ақ ол 24 жыл тым көп екенін айтып, көз жасына ерік берді.
Сұхбат беруге келіскен басқа ата-аналар да балалары тым қатаң жазаға кесілгенін, сот шешімімен белгіленген өтемақыны төлей алмайтынын, аппеляциядан үміт күтетінін жасырған жоқ.