50 үздіктің қатарында Гена мен Жәнібек бар

17 қантар 2023, 16:18

Worldboxingnews.net кәсіпқой боксшылардың салмақ дәрежесіне қарамай әлемдік рейтингін жасайды. Биыл да кәсіпқой бокстың көрігін қыздырып жүрген 50 үздік боксшының тізімін түзіпті. Елу боксшының арасында екі бірдей қазақстандық боксшы бар. Орта салмақ дәрежесінде WBA Super, IBF һәм IBO белбеулерінің чемпионы Геннадий Головкин порталдың рейтингінде 27-сатыда, ал WBO тұжырымы бойынша чемпиондық белбеуге ие Жәнібек Әлімханұлы 48-сатыда тұр. Рейтингтте тұрған боксшыларды сұрыптағанда осы жылдың қаңтар айына дейінгі көрсеткіштері сараланған. 50 боксшының көшін украиналық Александр Усик бастаған. Екінші орында жапон Наоя Иноуэ, үшінші сатыға мексикалық Сауль Альварес жайғасқан.