50 адам эвакуацияланды: Астанада алты қабатты жатақханадан өрт шықты

09 сәуiр 2025, 9:44

Бүгін таңертең Сарыарқа ауданы Бұланты көшесі бойындағы мансард үлгідегі жатақхананың алты қабатты ғимаратында өрт шықты, деп хабарлайды jasqazaq.kz ТЖМ баспасөз қызметіне сілтеме жасап.

Алғашқы бөлімшелер келген кезде өрт мансардалық 6-қабатта болып жатқаны анықталды. Келген сәтте қабат толығымен отқа оранған еді. Дереу газ-түтіннен қорғау қызметінің буындары құрылып, барлау жұмыстары басталды. ТЖМ күштерімен суды үздіксіз жеткізу қамтамасыз етілді.

Барлығы 540 адам, оның ішінде ТЖМ күшімен 50 адам, оның ішінде 7 бала эвакуацияланды. Өрт 1600 шаршы метр алаңда толық сөндірілді.

Өрт орнында өрт зерттеу сынақ зертханасының және ТЖД анықтау бөлімінің қызметкерлері жұмыс істеуде. Зардап шеккендер жоқ. Өрттің себебі анықталуда.