Алматы облысы прокуратурасы мен интернет-алаяқтыққа қарсы іс-қимыл бойынша ірі онлайн-платформалар (Krisha.kz, Kolesa.kz, OLX.kz) өкілдерімен ынтымақтастық туралы меморандум аясында үздіксіз ақпарат алмасу ұйымдастырылды.
Бірлескен жұмыс нәтижесінде алаяқтық әрекеттер белгілері бар 5 мыңнан астам аккаунт анықталып, бұғатталды, деп хабарлайды jasqazaq.kz.
Бас прокуратураның мәліметінше, тағы 7 мың аккаунт тексеру үстінде.
Бұл аккаунттардың басым бөлігі Алматы қаласы мен облысында пәтерлерді тәуліктік жалға беру, жылжымайтын мүлікті сату, автокөліктерді әдейі төмен бағамен сату және шетелден автокөлік бөлшектерін жеткізу тақырыптарымен байланысты.
Алаяқтар қалай әрекет етеді?
Олар басқаларға тиесілі нысандардың жалған фотосуретін пайдаланып, «бронь» үшін алдын ала төлем талап еткен.
Прокуратура мен маркетплейстердің бірлескен жұмысы цифрлық ортадағы қылмыстарға қарсы мемлекеттік органдар мен жеке сектор арасындағы өзара іс-қимылдың тиімді алгоритмін қалыптастыруға ықпал етті.
Прокуратура онлайн-сатып алулар кезінде сақ болуға, цифрлық платформалардағы хабарландырудың шынайылығын міндетті түрде тексеру керектігін ескертеді.
JQ-Aqparat
WhatsApp: +7 705 717 9113
