«165 млн теңге». Сәкен Майғазиевтің онлайн-тойдан қанша тапқаны талқыға түсті

Сәкен Майғазиев ұлының үйлену тойы кеше дүркіреп өткізгеннен кейін де қызу талқылау жалғасуда.

Блогер Полина Шиманская тойды онлайн тамашалаудан түскен ақшаны есептеп тастады. Ол: «Аты-шулы тойдың қонағы болу үшін 120 мың адам 1380 теңгеден төледі. Онлайн-тойдан 165 млн теңге түскенін есептеу қиын емес», — деп жазды.

Ал Buzyq Телеграм-каналы оқырманының есебі басқаша шығыпты.

«Майғазиев ұлының тойын 8900 адам онлайн тамашалапты. Осынша адам бот арқылы 1380 теңге төлеп, жабық телеграм-арнаға тіркелді. Демек, той иелері тікелей эфирден шамамен 12 млн теңге тапты деуге болады», — дейді ол.
Әрине, кім қалай есептесе де, өз еркі. Ең бастысы, танымал әнші түскен ақшадан тиісті салығын төлесе болды. Өйткені бүгін Сенат кулуарында қарды вице-министрі Дәурен Кеңбейілге де осы туралы сауал қойылды.

Ол: «Салықтан ешкім қашып құтылмайды. Мемлекеттік кіріс органдары бәрін бақылап отыр», — деп жауап берді.

JQ-Aqparat