1464 тонна көкөністер Қырғызстанға кері қайтарды

17 қараша 2017, 13:02

Қырғызстаннан Қазақстанға әкеліне жатқан 1464 тонна көкөніс пен жеміс-жидек кері қайтарылды. Ауыл шаруашылығы министрлігінің өкілдері мәлімдеді. Бұл туралы Хабар24-ке сілтеме жасап NUR.KZ хабарлады.

Көлікке тиелген алма мен алмұрттың, лимон мен құрманың және кептірілген жемістердің фитосанитариялық сертификаты жоқ болып шықты. Сондай-ақ ветеринарлық бақылау инспекторлары Еуразия экономикалық одақ талабына сай келмейтін өсімдік тасымалының 159 дерегін анықтаған. Өнім сапасын растайтын құжаттың жоқтығына байланысты 11 дерек әшкереленіп, 431 мың теңге айыппұл салынды. 12 тоннаға жуық өнім жойылды. Атап өту керек, осындай заңсыздықтармен күресу мақсатында Жамбыл облысында 4 мобильді топ құрылды.