1 млрд теңгені қалтаға басқан экс-судья Жолмановаға қатысты қылмыстық іс сотқа жолданды

18 наурыз, 16:01

Аса ірі көлемдегі алаяқтық жасап айыпталған бұрынғы судья С. Жолмановаға қатысты қылмыстық іс бойынша сотқа дейінгі тергеп-тексеру аяқталды, деп хабарлайды jasqazaq.kz Бас прокуратураға сілтеме жасап.

Тергеу мәліметінше 2021 жылдан 2024 жылға дейінгі кезеңде Жолманова жылжымайтын мүлік сатып алуға және тендерлік жобаларға қатысуға жәрдемдесу сылтауымен, алдау және сенімге қиянат жасау арқылы азаматтардың 1 млрд теңгеден астам ақшаны қолды қылған.
Тергеп-тексеру кезінде қылмыстық әрекеттің 48 эпизоды анықталып, олар бір іс жүргізуге біріктірілді.

Тергеп-тексеру аяқталғаннан кейін іс Қылмыстық кодекстің 190-бабы 4-бөлігінің 2) тармағы (аса ірі мөлшердегі алаяқтық) бойынша айыптау актісімен мәні бойынша қарау үшін сотқа жолданды.

JQ-Aqparat