1,8 млрд теңге: Кәрім Мәсімовтың Астанадағы үйі аукционға шығарылады

10 ақпан 2025, 13:33

«Қайтарылған активтерді басқару компаниясы» Астананың Нұра ауданында екі қабатты зәулім үйді саудаға шығарды, деп хабарлайды jasqazaq.kz.

Аумағы 347 шаршы метр үй бір гектар жерде орналасқан. Бастапқы бағасы – 1,8 млрд теңге. Аукционға қатысу үшін 117,9 млн теңге кепілдік жарнама төленуі керек. Сауда 25 ақпанда өтеді.

Айта кетейік, «Қайтарылған активтерді басқару компаниясы» 2023 жылы құрылған. Мемлекеттің ақшасын жымқырғандардан қайтарлыған дүние-мүлікті сатумен айналысады. Сатылған активтерден түскен қаржы мемлекеттік бюджетке аударылады. Компания сайтында жер, жылжымайтын мүліктен басқа қымбат әшекейлер де сатылатыны туралы ақпарат бар.

JQ-Aqparat

Сурет: ҰҚК