Зілзалада көз жұмған жерлесіміздің кім екені белгілі болды

Түркиядағы жер сілкінісінен кейін үйінді астында қалған отандасымыз Әділ Қадырбековтың денесі табылды.
Еліміздің сыртқы істер министрлігі хабарлағандай, Хатай уәлаятына қарасты Антакия қаласында құтқарушылар жерлесіміз Әділ Қадырбековтың денесін үйінді астынан шығарды. Сондай-ақ, сол маңда түркиялық Құбылай Кескиннің де мәйіті табылған. Бұған дейін ақпарат құралдары “Құбылай аман-сау құтқарылды” деп хабарлаған болатын. Зілзала кезінде хабарсыз кеткен тағы бір отандасымыз Мейірболат Құрмашевты іздеу жалғасуда.

JQ-Ақпарат

Фото: әлеуметтік желіден