Жоғалған адамды тікұшақпен де іздеп жатыр

Маңғыстау облысында із-түзсіз жоғалған азаматты іздеуге аудандық төтенше жағдайлар бөлімінің, аудан әкімшілігінің қызметкерлері, еріктілер, ауыл балықшылары мен жоғалған азаматтың туыстары да шықты. Тіпті тікұшақпен де іздеу жүргізілуде. Мұны төтенше жағдайлар министрлігінің баспасөз қызметі мәлімдеді. Iздестіру-құтқару жұмыстары Сарша жерінің аумағы және Ерсай жағалауына дейінгі аралықта жүргізіліп жатыр. Оған барлығы 60 қа жуық адам, 20 ға жуық техника жұмылдырылды. Таңертеңнен Маңғыстау облысының ТЖД МИ-8 тікұшағы әуеден бақыласа, 10 қайықпен 7 сүңгуір (водалаз) теңізде іздеу жұмыстарын жүргізу үстінде. Сондай-ақ аталған аумақты дрон ұшыру арқылы да бақылау жұмыстары қолға алынды.

JQ-Aqparat