ЖЕР-ЖИҺАНҒА ЖАРИЯЛАДЫ Қытайда карантин тоқтайды

24 наурыз 2020, 15:36

Қытай билігі коронавирус кеселінің таратылуына байланысты елдің Хуби өлкесінде жарияланған карантиннің ертеңнен бастап тоқтатылатынын жариялады. Ал өңір орталығы Ухан қаласында карантин 8 сәуірге дейін жалғасады.

Қазір бүкіл әлемді алаңдатып отырған COVID-19 дерті алғаш рет өткен жылдың желтоқсан айында осы Ухан қаласында тіркелген еді. Осыдан кейін Қытай үкіметі 60 млн адам тұратын осы өлкеде карантин жариялап, кеселге қарсы күрес жүргізді. Деректерге жүгінсек, Хуби өңірінде 67 801 адам кесел жұқтырып, 3 160 тұрғын көз жұмды. Ал ел бойынша, короновирусқа шалдыққандар саны 82 мыңға жуықтап, 3 277 тұрғын мерт болды. Сондай-ақ, 73 мыңнан астам адам аурудан айықты.

Jas qazaq — Analysys