«Қытай мандариндері тұмау жұқтырады» деген қауесет бізге де жетті

Қытай мандариндерінен тұмау жұғатыны жайлы қауесет Қазақстанға да жетті.  Таратылып жатқан аудиожазбаларда Қытайдың кішкентай мандариндерінің тұмаудың ауыр түрін тарататыны айтылады. Мұндай мазмұндағы хабарламалар қазақстандықтардың арасында шу шығарып, олар осы аудиожазбаларды бөлісіп жатыр. Сондай-ақ, осыған ұқсас аудиожазбалардың Ресей аумағында да тарап жатқаны белгілі болды.

Владивостоктағы клиникалық-диагностикалық орталықтың дәрігері Татьяна Минеева БАҚ өкілдеріне берген сұхбатында көкөністерден немесе жалпы азық-түлік өнімдерінен тұмау жұқтырып алу мүмкін емес екенін айтты.

«Мандариндерде, апельсиндерде немесе басқа да жемістерде тұмау жұқтыратын вирус жоқ. Тұмау ауа-тамшылы жолмен ғана таралады. Бірақ ол вирус азық-түлік өнімдерінде болуы мүмкін емес», — деді дәрігер Татьяна Минеева.

tengrinews.kz