Үндістанға бармауға кеңес берілді: Нипах вирусын жұқтыру қаупі бар

Үндістанда Нипах вирусының өршуіне байланысты әзірге бұл елге бармаған дұрыс. Санитариялық-эпидемиологиялық бақылау комитеті осындай ескерту жасады, деп хабарлайды jasqazaq.kz.
Қазіргі кезде Үндістанның Батыс Бенгалия штатында вирус тарағаны анықталып отыр.
Сондықтан санитарлық-эпидемиологиялық бақылау комитеті: «Үндістандағы Нипах вирусына қатысты эпидемиологиялық жағдайға байланысты бұл елге туристік сапарлардан бас тарту ұсынылады. Қазіргі таңда Үндістан мен Бангладешті қоса алғанда, Оңтүстік-Шығыс Азия елдеріне шығатын туристер мен республика азаматтары үшін Нипах вирусын жұқтыру қаупі бар, бірақ алдын алу шараларын сақтаған жағдайда ол бақылауда болады», – деп атап өтті.
JQ-Aqparat

Сурет: nchstats.com