Ұлттық қүрылтай: Қасым-Жомарт Тоқаев вице-президент институтын құруды ұсынды

Президент Қасым-Жомарт Тоқаев Қызылордада өтіп жатқан V Ұлттық құрылтайда Қазақстан Республикасы Вице-президенті институтын құру және оны Конституцияда тиісті түрде бекіту туралы айтты, деп хабарлайды jasqazaq.kz.

Мемлекет басшысы: «Әр нәрсенің өз уақыты бар деп халық бекер айтпайды. Менің ойымша, дәл сол уақыт келген сияқты. Бүгін Ұлттық құрылтайдың қорытынды отырысында жаңа әрі маңызды ұсынысымды айтқым келеді. Мен ұсынып отырған бұл жаңашылдық бірнеше жыл бойы жүйелі түрде қалыптастырған бүкіл саяси құрылымды өзара үйлестіріп, толықтырады. Әңгіме Қазақстан Республикасы Вице-президенті институтын құру және оны Конституцияда тиісті түрде бекіту туралы», — деді.
Мемлекет басшысының айтуынша, вице-президентті Президент Парламенттің келісімімен, қарапайым көпшілік дауыспен тағайындайды. Оның өкілеттіктер аясын Мемлекет басшысының өзі айқындайды.
Вице-президент Президенттің тапсырмасы бойынша:
– Қазақстан Республикасының мүдделерін халықаралық форумдарда және шетелдік мемлекеттердің делегацияларымен келіссөздерде таныстырады;
– Президенттің мүдделерін Парламентте білдіреді;
– отандық және шетелдік қоғамдық-саяси, ғылыми және мәдени-ағартушылық ұйымдармен өзара іс-қимыл жасайды;
– Президенттің өзге де тапсырмаларын орындайды.

JQ-Aqparat
Сурет: aqorda_resmi