Ұлттық банк базалық мөлшерлеме бойынша шешім қабылдады

Ұлттық Банктің Ақша-кредит саясаты комитеті базалық мөлшерлемені 14,25% деңгейінде сақтау туралы шешім қабылдады. Сонымен қатар инфляция мен экономиканың өсуі бойынша болжам жаңартылды, деп хабарлады Ұлттық банк.

Шілде айында жылдық инфляция өсті, бірақ ол Ұлттық Банктің мамырдағы болжамы шегінде сақталды. Базалық инфляция және маусымдық факторлардан тазартылған инфляция екінші ай қатарынан жеделдеді. Сыртқы инфляциялық жағдай қалыпты деп бағаланып отыр. Ал жаһандық инфляция бәсеңдеп келеді. Ішкі экономикада инфляциялық қысым күшеюде. Себебі тұрғын үй-коммуналдық қызмет саласындағы реформалардың жалғасуы, ішкі ұсыныс мүмкіндіктерінен артық орнықты ішкі сұраныс және инфляциялық күтулердің жоғары деңгейі болып табылады. Мамырдағы болжамға қарағанда, күтілетін жоғары фискалдық импульс инфляцияның таргетке баяу оралуына әкеледі. Қазіргі таңда айырбастау бағамының жақында ғана әлсірегенін ескерілсе, ағымдағы ақша-кредит шарттары жұмсарғаны байқалады. Сонымен қатар ақша-кредит шарттарының жұмсаруы ақша нарығы мөлшерлемесінің динамикасымен де расталады. Мәселен, базалық мөлшерлеменің 14,25%-тік деңгейіде TONIA-ның орташа мәні 13,1% – 13,3% төмен қалыптасады. Жұмсарған ақша-кредит шарттары мөлшерлемені одан әрі төмендету үшін кеңістік ашпайды. Монетарлық шарттардың одан әрі шамадан тыс жұмсаруын болдырмай өтеу үшін базалық мөлшерлемені ағымдағы деңгейде сақтауды қажет етті, — делінген хабарлада.

Ұлттық банктің ақша-кредит саясаты комитетінің базалық мөлшерлеме бойынша кезекті жоспарлы шешімі 2024 жылғы 11 қазанда Астана уақытымен сағат 12:00-де
жарияланады.

JQ-Aqparat

Сурет: mtrk.kz