Астана қаласының прокуратурасы жосықсыз құрылыс салушылардың мүлкін мемлекет пайдасына тәркіледі.
«Ден қою актілері негізінде мемлекет меншігіне жосықсыз құрылыс салушылардың 5 қабатты ғимарат жер учаскесімен бірге, тұрғын емес 7 үй-жай өтті.
Бұл шаралар проблемалық объектілерді салуға жұмсалған бюджет қаражатын толықтыруға мүмкіндік берді.
7 талап қою арқылы 100-ден астам үлескердің құқығы қорғалды», — делінген баспасөз баянында.
Мәлім етілгендей, азаматтар ақша құйған объектілер құрылыс салушылардан алынып, тұрғын үй-құрылыс кооперативтеріне берілді. Бұл, олардың құрылысын жалғастыруға мүмкіндік береді.
JQ-Aqparat