Үкімет басшысы жаңа Салық кодексін қайта пысықтауды тапсырды

Премьер-министр Олжас Бектенов орынбасары Серік Жұманғаринге жаңа Салық кодексін мүдделі топтармен қайта пысықтап шығуды тапсырды, деп хабарлайды jasqazaq.kz.

Үкімет басшысы: «Жаңа Салық кодексі өзгермейтін қағидалардың жиынтығы ретінде қабылданбауы керек, бұл туралы Президент ерекше атап өтті. Серік Мақашұлы, осыған байланысты сізге жұртшылық пен бизнес тарапынан келіп түскен ұсыныстарды жинақтап, мұқият талдауды тапсырамын. «Атамекен» Ұлттық палатасының өкілдерін, экономистер мен сарапшыларды тарта отырып, жүйелі әрі үйлесімді жұмыс жасауы керек. Бүгін Үкіметте осындай алғашқы кездесу өткізесіз», — деді.

Олжас Бектенов бұл жұмысга өңірлерді де белсенді тарту қажеттігін айтты: «Қоғамның көтеріп отырған мәселелерін жедел қарау керек. Нәтижесі бойынша нақты ұсыныстар енгізіңіз».

JQ-Aqparat

Сурет: ашық дереккөз