Әулие Валентиннің туған күнін тойламайды

13 ақпан 2017, 19:20

Пәкістандықтар «Махаббат күні» деп өңін айналдырып алған діни мейрамды тойламайды. Исламабадтың Жоғарғы соты Пәкістан аумағында әулие Валентин күнін тойлауға тыйым салды. Бұл туралы Express Tribune газеті хабарлады.

Басылымның дерегіне сүйенсек, бұл үкім мұсылман дәстүріне сай еместігін айтып, оған тыйым салуды сұраған авторлардың петициясын қарағаннан кейін шыққан. Билік БАҚ өкілдеріне аталмыш мерекені жарнамалауға тыйым салды. Католиктік және протестанттық дін ұстанушылар жыл сайын 14 ақпан — әулие Валентин күнін Ғашықтар мерекесі ретінде тойлайды. Қазақстанда жастар арасында Ғашықтар күні 15 сәуірде — Қозы Көрпеш-Баян Сұлу күні деп аталып өтіледі.

ҚазАқпарат