Тұрсынбек Қабатовтың бұрынғы әйелі әкімшілік жауапкершілікке тартылып, 600 мың теңгеге жуық айыппұл төледі

04 қараша, 16:40

Туризм және спорт министрлігі белгілі комик Тұрсынбек Қабатовтың бұрынғы жұбайы, блогер Молдир Мұқанованы заңсыз онлайн-ұтыс ойындарын өткізгендер тізіміне енгізді, деп хабарлайды jasqazaq.kz.

Ол Әкімшілік құқықбұзушылық туралы кодекстің 445-1-бабының 6-бөлігі бойынша әкімшілік жауапкершілікке тартылды. Қазан айында Мұқанова 589 800 теңге (150 айлық есептік көрсеткіш) көлемінде айыппұл төлеген.

Әкімшілік бұзушылық жасағандар тізімінде сондай-ақ төмендегі блогерлер бар:
• актер Рамазан Амантай – 393 200 теңге (100 АЕК);
• блогер Мереке Қалбаева – 589 800 теңге (150 АЕК);
• Нұрбек Нұртаза – 1 179 600 теңге (300 АЕК);
• Әлия Байтуғаева – 825 720 теңге (210 АЕК);
• Амина Нұртаза – 825 720 теңге (210 АЕК);
• блогер Қайсар Қамза – 1 179 600 теңге (300 АЕК);
• блогер Алмасбек Батыр – 589 800 теңге (150 АЕК).