Түркістан: «Жас сақшы» полиция сыныбы ашылды

19 қыркүйек 2024, 14:11

Түркістан облысы Мақтаарал ауданында ішкі істер қатарында отыз жыл абыроймен қызмет атқарып, өзінің табандылығының арқасында полиция бөлімінің ғимаратын салдырып, кейінгі шәкірттерінің жүрегіне ізгіліктің, іскерліктің, адалдықтың дәнін еккен милиция полковнигі Сапаралы Жанабеков атындағы полиция сыныбы ашылды. Бұл туралы Түркістан Полиция департаментінің баспасөз қызметі хабарлады.

Жастар арасында қаhармандық пен ержүректілікті дәріптеу мақсатында Мақтарал ауданы орталығының С.Рахимов атындағы жалпы орта мектептен ашылған «Жас сақшы» сыныбының ашылу салтанатына аудан әкімінің орынбасары Алтын Ешанқұлова, Полиция департаментінің тәрбие және кадр саясаты басқармасының бастығы Мақсат Асқаров, Полиция департаментінің ардагерлер кеңесінің төрағасы Оспанғазы Жанқожаев, аудандық полиция бөлімінің бастығы Ердаулет Амантаев, аудандық ардагерлер кеңесінің төрағасы Бөлебай Құнанбеков пен Сапаралы Жанабековпен қызметтес болған әріптестері, замандастары мен туыстары қатысты.

Жиында сөз алған полиция полковнигі Мақсат Асқаров: «Еліміздің барлық өңірлерінде, жергілікті жерлерде «Жас сақшы» полиция сыныптары ашылуда. «Жас сақшы» полиция сыныбын құру – ішкі істер министрлігінің басым жобасы және ең алдымен жастарды патриотизм мен Отанға деген сүйіспеншілікті тәрбиелеуге, мектеп ортасында құқық бұзушылықтың алдын алу мен мамандық таңдауда көмек көрсетуге бағытталғандығын айтып өтті.
Мақтарал ауданы әкімінің орынбасары Алтын Күнтуқызы өз сөзінде: «Еткен еңбектің еленгені кімге де болса қуаныш, көңілге үлкен медет сыйлайтыны анық. Ішкі істер бөлімін он төрт жыл бойы басқарған Сапаралы ағамыздың еліне жасаған еңбегі баршамызға өнеге, темірқазықтай айқын бағыт-бағдар береді», — деді.
Жиын соңында полиция бөлімінің бастығы Ердәулет Дарханұлы балаларды Отанға деген сүйіспеншілік пен патриоттық рухты тәрбиелеуде бұл полиция сыныбының ықпалы орасан зор екендігін айтып, жаңа оқу жылында сәттілік тіледі.

JQ-Aqparat
Сурет: Түркістан облыстық ПД баспасөз қызметі

01 сәуiр, 19:13
Саудада достық жоқ
31 наурыз, 16:10
Мақта кластері: Шикізаттан –дайын өнімге
31 наурыз, 15:45
Астана – даму драйвері
30 наурыз, 12:48
Мұхит Тұрысбеков: Ауыз су мәселесін толық шешу – басты міндеттің бірі
28 наурыз, 17:40
“Жұмысшыларды роботтар алмастырып жатыр”. Кентау трансформатор зауыты инновациялық дамуға көшті
28 наурыз, 15:18
Машина жасау: инновациялық серпіліс
28 наурыз, 14:21
Шұбат өндірісін жолға қойған кәсіпкер келіншек
27 наурыз, 15:56
Астық экспорты қарқын алып келеді
27 наурыз, 14:36
Бескөлдің табиғи сүті: сапа және сенім