Өмір болғаннан кейін түрлі оқыс жағдайлар болып тұрады. Басым бөлігі сақтық шараларын елемеу, жол ережесін сақтамаудан, баланың қараусыз қалуынан болып жатады. Сондықтан тәртіп сақшылары тұрғындар арасында түсіндіру жұмыстарын ұдайы жүргізуге тырысады. Биыл Түркістан өңірінде облыстық полиция департаментінің басшысы Мұрат Қабденовтың тапсырмасымен профилактиуалық шараларға айрықша маңыз беріліп, осы бағытта түрлі жұмыстар жүргізіліп жатыр.
Соңғы жылдары қала көшелерінде электрсамокаттар, мопед пен скутер сияқты көлік құралдарының түрі көбейді. Бұл көлік түрлерін пайдаланушылар да жол жүрісіне қатысушылар болып саналады. Сондықтан олардың жол қозғалысы ережелерін сақтауы — полицияның айрықша назарында. Қайғылы жағдайлардың алдын алу және жолын кесу үшін тәртіп сақшылары халық арасында үнемі профилактикалық рейдтер мен түсіндіру жұмыстарын жүргізуде.
Ал жазғы демалыс кезінде балалар тұрмақ, ересек адамдардың суға батуы жиі орын алатыны белгілі. Осы орайда Сарыағаш аудандық полиция бөлімінің кәмелетке толмағандар жөніндегі аға инпекторларымен және Сарыағаш аудандық Төтенше жағдай қызметкелерімен бірлесе отырып кәмелет жасына толмаған балаларға және олардың ата-аналарына су каналдарына шомылуға болмайтындығы жайлы ескертіліп, профилактикалық түсіндірме жұмыстары жүргізілді.
Биыл сәуір айында әйелдер мен балалардың өмірін қорғауды көздейдін тиісті заңдарға өзгерістер енгізілгені белгілі. Осыны ескеріп, Сарыағаш аудандық полиция бөлімінің жергілікті полиция қызметінің әйелдерді зорлық-зомбылықтан қорғау тобының аға инспекторы полиция подполковнигі Кубегенова Ақтолқын Серікқызы Сарыағаш аудандық Білім бөлімінің қызметкерлері мен бірлесе тұрмыстық зорлық-зомбылық көрген отбасымен профилактикалық түсіндірме жұмыстарын жүргізді.
Сондай-ақ Сарыағаш аудандық полиция бөлімінің жергілікті полиция қызметінің №88 участкелік полияция пунктінің учаскелік полиция инспекторлары Сарыағаш қаласы тұрғындарына «Алаяқтық,таза қала, пәтер ұрлығы қылмысының алдын алу мақсатында» түсіндірме жұмыстарын қолға алды. Бұл орайда қала тұрғындарын интернет алаяқтыққа қатысты ұялы телефондарына бөтен абонеттік номерлерден жеке басына қатысты қандай да бір ақпарат сұраған кезде ешқандай да ақпарат бермеу керектігі тәптіштелді.
Сарыағаш ауданы аумағында «Борышкер» жедел профилактикалық іс-шарасы жиі өткізіледі. Мұндай іс-шараның негізгі мақсаты — аудан аумағында анықталған әкімшілік құқық бұзушылықтар бойынша салынған айыппұлдарды ерікті түрде және мәжбүрлі түрде өндіру жұмыстарын жандандыру. Іс-шара барысында Сарыағаш ауданы полиция бөлімнің қызметкерлері жеке сот орындаушыларымен бірлесіп, айыппұлдарды төлеуден жалтарып жүрген азаматтарды анықтайды. Оларға салынған айыппұлдарды өндіруді жүзеге асырады.
Түркістан облысы ПД Сарыағаш АПБ-нің бастығының бұйрығына сәйкес, Сарыағаш аудандық полиция бөлімінің қызметкерлері «Түнгі қаладағы балалар» алдын-алу профилактикалық іс-шарасын өткізеді. Мұндағы мақсат — кәмелетке толмағандар арасындағы және оларға қатысты жасалатын қылмыстың алдын алу, кәмелетке толмағандарға алкогольдi iшiмдiктердi, темекі өнімдерін сату, түнгі уақытта кәмелетке толмағандарларды заңды өкілдерсіз ойын-сауық мекемелерінде немесе тұрғын жайдан тыс жерде болуын анықтау, олардың құқықтық сауаттылықтың жоғарылату, сонымен қатар кәмелетке толмағандарды құқықбұзушылыққа және қылмыс жасауға тартатын ересек адамдарды анықтау, балалардың еңбегін пайдалануға жол бермеу.
JQ-Aqparat
Суреттер: Түркістан облысы ПД баспасөз қызметі
WhatsApp: +7 705 717 9113
