Түркістан облысында өрттің салдарынан 12 адам, оның ішінде 9 бала қаза тапты

18 қараша, 9:47

Мемлекет басшысы Түркістан облысы Жетісай ауданындағы жеке үйде болған өрттің салдарынан көптеген адамның қаза табуына байланысты көңіл айтты, деп хабарлайды jasqazaq.kz Ақордаға сілтеме жасап.

Президент Үкімет пен Түркістан облысының әкіміне зардап шеккен азаматтардың туған-туыстарына барлық қажетті көмек көрсетіп, қайғылы оқиғаны жан-жақты тексеруді тапсырды.

Түркістан облыстық ТЖД мәліметінше, 18 қараша күні таңертең Жетісай ауданына қарасты Алғабас ауылындағы екі қабатты жеке тұрғын үйден өрт шыққаны туралы хабар түскен.

«Өртті барлау және сөндіру барысында үйден ес-түссіз жатқан үш адам эвакуацияланып, жедел жәрдем бригадасына тапсырылды. Ішінен тоғыз бала қосқанда 12 адамның мәйіті табылды», – делінген хабарламада.