Түркістан облысы Келес ауданы аумағында мамыр айының 20-23 күндері аралығында «Автокөлік» жедел-профилактикалық іс-шарасы өткізілуде. Түркістан облысы полиция департаментінің мәлімдеуінше, іс-шараның мақсаты — автокөлік ұрлығы мен айдап әкетуге қатысы бар адамдарды анықтау, ұстау және қылмыстық жауапкершілікке тарту. Айта кету керек, шара аясында автокөліктер ұрлығын және оларды айдап әкетушілерді ашу бойынша жедел-тергеу топтары құрылып, олардың күшімен күдікті адамдарды анықтау және ұстау бойынша жедел-іздестіру, арнайы іс-шаралар мен тергеу әрекеттер кешені жүргізіледі. Сондай-ақ, көлік құралдарын ұрлау және айдап әкетудің алдын алу, жолын кесу мақсатында тұрғындар арасында түсіндірме жұмыстары жүргізіледі.
Келес ауданының полицейлері «Отбасындағы зорлық-зомбылықтың алдын алу профилактикасы» тақырыбында ауқымды шара өткізді. Әйелдерді зорлық-зомбылықтан қорғау тобының инспекторы Эльмира Есенқұлова мен Ювеналды полиция тобының инспекторы полиция капитаны Дастан Жамалов, №1 О.Есімов атындағы білім беру ұйымына арнайы барды. Мұнда полицейлер, мұғалімдер мен 9-10-11 сыныптың 150 оқушысын қатыстыра отырып, дәріс оқыды. Отбасындағы зорлық-зомбылық деректерін анықтау мақсатында, сауалнамалар жүргізді.
Сонымен қатар мектеп оқушыларына, отбасындағы зорлық-зомбылық ең маңызды әлеуметтік проблемалар қатарында екендігін, жасөспірімдердің қоғам, отбасы, ата-ана, бауыр, туған-туыс алдындағы жауапкершіліктерін, түрлі құқықбұзушылық, қылмыстарға бармауларының алдын алу мақсатында профилактикалық түсіндіру жұмыстарын жүргізді. Жиналыс барысында, жоғарғы сынып оқушыларына туған-туысқандарыңыз, көршілеріңіз отбасындағы зорлық-зомбылық құрбандарына айналып, отбасында қандай да бір зорлық-зомбылық әрекеттерін көріп жатса, оларға заң аясында құқықтық көмек көрсетуге болатыны ескертілді. Оған қоса, кез келген қысым көрген тұрғынға әлеуметтік-психологиялық көмек көрсетілетіні айтылды.
Аталған ауданда «Қауіпсіз қоғам» жедел-профилактикалық іс-шарасы өткізілуде. Мұндағы негізгі мақсат — жол-көлік оқиғаларының алдын алу және жүргізушілер арасында көлік тәртібін арттыру. Сондай-ақ автожолдарда қалыптасқан жедел жағдайды жақсарту, жол-көлік оқиғалары мен оның салдарының ауырлығын төмендетуге бағытталған жедел әсер тигізу рейдтік шараларын ұйымдастыру болып табылады.
Аталған іс-шараны жоғары деңгейде өткізу үшін аудан, қалалық полиция басқарма, бөлімдерінің полицейлері қарқынды қызмет атқаруда. Келес ауданы ПБ-нің тәртіп сақшылары бұл шараға ерекше форматта өз үлестерін қосуда. Нақтырақ айтқанда, кәмелетке толмағандар арасында жол-көлік оқиғасының алдын алу мақсатында, аудандағы білім беру мекемелеріне жасанды жол кедергілері мен жылдамдықты шектеу жол белгілері қойылды.
Осылайша Келес ауданының полицейлері жас көмекшілермен бірге жол-көлік оқиғаларының алдын алу және қатысушылар арасында жолда жүру қауіпсіздігі жіне сауаттылығын арттыру бойынша түсіндірме жұмыстарын жүргізді.
JQ-Aqparat
Суреттер: Түркістан облысы ПД баспасөз қызметі
WhatsApp: +7 705 717 9113
