Түркістан облысында жасөспірімдердің қауіпсіздігіне бағытталған іс-шаралар өтуде. Әсіресе оқу жылы аяқталып, балалардың жазғы каникул кезіндегі қауіпсіздіге баса назар аударылуда. Түркістан облысы полиция департаментінің мәлімдеуінше, Түркістан облысы Арыс қаласының белсенді блогері полициямен бірге түсіндірме жұмыстарын жүргізуге қатысты.
Арыс қаласының белсенді блогері, жеке кәсіпкер Азамат Байбосынов Арыс аудандық полиция бөлімі қызметкерлерінің жұмысымен танысып, бір күн бойы бірлесіп тәртіп сақшыларымен бірге қызмет атқарды.
Шараның мақсаты- кәмелетке толмаған жасөспірімдердің қауіпсіздігі, оның ішінде электроциклдер мен мопедтерді басқару жайттарының алдын алу. Сонымен қатар жасөспірімдердің түнгі уақытта ата-ананың қарауынсыз жүруі де жіті қадағаланады. Осыған байланысты қоғам белсендісі тәртіп сақшыларымен бірге Арыс қаласы тұрғындарына түсіндірме жұмыстарын жүргізді.
Жаңа заңға сәйкес 18-ге толған электроцикл немесе мопед басқарушыда арнайы жарық шағылыстыратын белгісі мен шлем, жүргізуші куәлігі болуы шарт. Іс-шара кезінде түнгі уақытта жарықты шағылыстыратын заттарсыз жүруге, жолдың жиегіне шлемсіз шығуға болмайтыны түсіндірілді. Жаяу жүргіншілер өткелімен мопед, электр самокат пен велосипедтен түспей жүруге тыйым салынатыны ескертілді.
Жалпы электрлі самокатпен 25 км/сағат жылдамдықпен жолдың оң жақ шетінде, оның ішінде маршруттық көліктерге арналған жолақ бойымен бір қатарда жүре алады. Ал тротуар мен жол жиегінде, жаяу жүргіншілер жолында 6 км/сағаттан аспайтын жылдамдықты сақтау қарастырылған.
Аталған жол ережесін бұзатындар әкiмшiлiк жауапкершiлiкке тартылатын болады.
Өз кезегінде блогер Азамат Байбосынов: «Құқық қорғау қызметкерлері түсіндіру жұмыстарын жүргізіп жатқан жағдайда, полиция қызметкерлеріне ренжудің орнына балаларымыздың амандығын ойлайық! Олардың қауіпсіздігі бірінші орында. Бірлесіп қызмет атқарайық!»- деп атап өтіп, полиция қызметкерлерінің жұмысына сәттілік тіледі.
JQ-Aqparat
Түркістан облысы ПД баспасөз қызметі
WhatsApp: +7 705 717 9113
