Тұншықтыру әдісін қолданды: Жаңаөзенде мектеп оқушыларының төбелесі жұртты шошытты

Сурет: Видеодан кадр

Жаңаөзенде мектеп оқушыларының төбелесі жұртты шошытты. Бейнежазбада қыздардың бірі екіншісіне бірнеше рет соққы беріп, тұншықтыру әдістерін қолданғаны көрінеді, деп хабарлайды jasqazaq.kz.

Полицияның баспасөз қызметі хабарлағандай, жанжалға қатысқан оқушылар анықталып, ата-аналарымен бірге бөлімге жеткізілді.

«Кәмелетке толмағандардың ата-аналары балаларының тәрбиесі мен оқуы бойынша міндеттерін тиісінше орындамағаны үшін жауапкершілікке тартылды. Іс материалдары кәмелетке толмағандар істері жөніндегі комиссияға жіберілді. Жасөспірімдер профилактикалық есепке қойылды», — деп нақтылады ведомство.