Темекі бермеді: Ақтөбе вокзалында 28 жастағы күдікті пойыз бастығын алты рет пышақ сұғып өлтірді

12 тамыз, 10:35

Ақтөбеде пойыз бастығын вокзалда пышақтап өлтірді. 28 жастағы күдікті қылмысын перрондағы бейнекамераға қарап тұрып істеген, деп хабарлайды jasqazaq.kz КТК-ға сілтеме жасап.

Қанды оқиға таңғы сағат бес шамасында болды. Пойыз бастығы сол күні демалысқа шыққан. Перронда келе жатқанда алдынан жігіт шығып шылым сұрайды. Темекі бермеген соң, сол жерде алты рет пышақ сұғып алған. Вокзал аумағындағы бейне камераға қарап қойып, пышақтағы қанды сүртіп, өз жөніне кете барған. 28 жастағы күдікті бұған дейін сотталып, пробация бақылауында жүріпті. Енді ол қайта қамауға алынды.