Таразда мектеп оқушысы төбелестен кейін қаза тапты

Сурет: Depositphotos.com

Таразда мектеп оқушысы басқа жасөспіріммен болған төбелестен кейін көз жұмды. Әлеуметтік желілерде тараған бұл ақпаратты қалалық білім бөлімі растады, деп хабарлайды jasqazaq.kz

Informburo.kz хабарлауынша, бұрын таныс болмаған оқушылар арасындағы жанжал 1 қыркүйекте оқу ордасынан тыс жерде болған. Жасөспірімдердің бірі пышақ жарақатын алып, қайтыс болды.

«Қақтығыс тұрмыстық себептерге байланысты туындаған. Екі мектептің оқушылары арасындағы төбелес туралы ақпарат шындыққа жанаспайды. Топтық төбелес дерегі анықталған жоқ. Полицияның мәліметінше, күдікті ұсталып, уақытша ұстау изоляторына қамалды, тергеу амалдары жүргізілуде», – делінген хабарламада.