Тәуекел Мүсілім көпшіліктен өзін «сұлу» деп атамауды сұрады

Отандық актерлердің бірі –  Тәуекел Мүсілім оқырмандарынан өзін «сұлу» деп атамауды сұрады. Бұл туралы ол өзінің желідегі парақшасында айтты.

Көптеген қыздың арманына айналып үлгерген актер оқырмандарына өтініш жасаған. Оның айтуынша, ер адамдарды «сұлу» деп атау дұрыс емес.

«Менің Instagram парақшама “Сіз сұлусыз, т.б“ деген көптеген пікірлер жазылады. Қазақтың сөз қолдануында ер кісіге қарата сұлу деу сәл әбестік. Ал сымбатты десеңіздер, әңгіме жоқ», – деп түзетті ол оқырмандар сөзін.

Желі қолданушылары болса, актердің қазақ тіліне тән заңдылықтарға баса назар аударғаны үшін алғыс айтты.

nur.kz