Алакөлде демалушының аяғын су мотоциклінің ескіші жұлып кетті.
Оқыс оқиға 30 шілде күні Жетісу облысы Алакөл ауданының Ақши ауылындағы жағалауда болған.
1984 жылғы зардап шегуші Алакөл ауданының ауруханасына жеткізілді. Оның сол аяғын жұлып әкеткен.
«Қазір науқастың жағдайы ауыр. Ол арнайы аппараттың көмегімен тыныс алуда. 1984 жылы туған пациент Алакөл аудандық ауруханасына 30 шілде күні сағат 16:10 келіп түсті. Алған жарақаты салдарынан пациенттің сол аяғы жұлынып кеткен. 3-4 сатыдағы травматикалық шок алған. Жедел түрде сол аяғына операция жасалды. 31 шілде күнгі мәлімет бойынша пациенттің жағдайы өте ауыр. Жансақтау бөлімінде ем қабылдап жатыр» деп хабарлады Жетісу облыстық денсаулық сақтау басқармасының баспасөз қызметі.
Полиция осы оқиғаға қатысты ҚР ҚК 344-бабы бойынша қылмыстық іс тергеу амалдарын жүргізіп жатыр.
JQ-Aqparat
Фото: puch-vesti.ru