Шымкент: Туризм, креативті индустрия және сыртқы байланыс саласындағы жаңа мүмкіндіктер

Үстіміздегі жылдың алғашқы жартысында Шымкент қаласына 243 мыңға жуық турист келген. Оның басым бөлігі – ішкі туристер болса, 15,5 мыңнан астамы шетелдік қонақтар. Қаладағы орналастыру орындарының саны 159-ға жетіп, төсек-орын қоры 34%-ға артты. Қызмет көрсету көлемі өткен жылмен салыстырғанда 20%-ға өсіп, 6,3 млрд теңгеден асты. Бұл туралы бүгінгі брифингте Шымкент қаласы әкімінің орынбасары Сәрсен Құранбек айтып берді.

Шаһарда туризмді дамытуға бағытталған ірі инвестициялық жобалар жүзеге асуда. Соңғы бір жылда 7 жаңа қонақ үй ашылып, тағы төртеуі жыл соңына дейін пайдалануға берілмек. Жалпы 14,5 млрд теңге инвестиция тартылып, 240 тұрақты жұмыс орны құрылуда. Бұған қоса, халықаралық деңгейдегі «Hilton» қонақ үйінің құрылысы басталып, 2026 жылы ашылады деп жоспарлануда. Табиғи аймақтарды тиімді пайдалану мақсатында «Omir Shymkent» глэмпинг жобасы қолға алынды.
Туристік инфрақұрылымды жақсарту үшін 17 бағыт бойынша маршруттар қызмет көрсетуде. Сонымен бірге Шымкенттен Сиань, Будапешт, Мюнхен, Шанхай, Каир, Сеул, Үрімші және Баку қалаларына жаңа әуе рейстері ашылды. Қалада туристерге қолайлы жағдай жасау үшін Visit-shymkent.com порталы, QR-кодтар мен 2ГИС жүйесіне енгізілген нысандар қолжетімді.
Жыл сайынғы гастрономиялық, көше тағамдары фестивальдері мен dronе-show секілді имидждік іс-шаралар Шымкентті туристер үшін тартымды ете түсуде. Бұған қоса, этноауылды жаңғырту, гастрономиялық аллея ашу және Бадам су қоймасы аумағын туристік дестинацияға айналдыру жұмыстары жоспарланып отыр.
Қаланың креативті индустриясы да қарқын алып келеді. 2025 жылы ашылған «Shymkent Creative HUB» орталығы шығармашылық жастардың алаңына айналып, түрлі мастер-класстар мен семинарларға жол ашты. Бүгінде қалада 2 мыңнан астам креативті кәсіпкер тіркелген, ал салаға қолдау көрсету үшін арнайы ассоциация жұмыс істейді.

Шымкент қаласы соңғы жылдары туризм, сыртқы байланыстар және креативті индустрия саласында айтарлықтай жетістіктерге қол жеткізуде. 2025 жылдың алғашқы жартыжылдығында қалаға 242 мыңнан астам турист келіп, орналастыру орындарының саны 159-ға жетті. Қонақ үйлер мен хостелдерде көрсетілген қызмет көлемі бір жыл ішінде 20%-ға өсіп, 6,3 млрд теңгені құрады.
Қалада туристік инфрақұрылым да қарқынды дамып келеді. 2024–2025 жылдары 11 қонақ үй жобасы қолға алынып, олардың ішінде 8 нысан пайдалануға берілді. Жыл соңына дейін тағы үш қонақ үй ашылады деп күтілуде. Сонымен бірге, әлемдік деңгейдегі «Hilton» қонақ үйінің құрылысы жүріп жатыр. Табиғи демалыс орындарын дамыту мақсатында Бадам су қоймасында «Omir Shymkent» глэмпинг жобасы басталды.
Шымкент қаласы туристер үшін жаңа бағыттар ұсынып отыр. Түркістан–Ташкент–Ақсу-Жабағалы–Шымкент бағытына арналған 4 күндік маршрут кеңінен танылса, биыл алғаш рет «Jibek Joly» туристік пойызы қалаға аялдады. Жаңа әуежай терминалының ашылуы нәтижесінде Шымкенттен Сиань, Мюнхен, Сеул секілді шетел қалаларына тікелей рейстер іске қосылды.
Қалада туризмді цифрландыруға ерекше көңіл бөлінген. «Visit-shymkent.com» порталы, QR-кодтар, интерактивті карталар, «2ГИС» қосымшасына енгізілген нысандар туристерге қолжетімді ақпарат ұсынады. Ал «ДәмДәсTour», «Street Food Fest» секілді фестивальдер мен халықаралық блог-турлар қаланың имиджін арттыруға ықпал етуде.
Креативті индустрия бағытында да серпінді қадамдар жасалуда. Қалада 2,3 мыңнан астам кәсіпкер жұмыс істейді. 2025 жылы ашылған «Shymkent Creative HUB» алаңы шеберлік сабақтары мен шығармашылық жобалардың орталығына айналды. Бұл бастама контент-мейкерлерге, жас таланттарға жаңа мүмкіндіктер беріп отыр.
Халықаралық ынтымақтастық саласында да белсенділік байқалады. Жыл басынан бері 26 дипломатиялық кездесу ұйымдастырылып, Франция, Қытай, Еуропалық одақ елдері, Қырғызстан және Болгариямен жаңа жобаларға жол ашылды. Парижде «Шымкент күндері» өтті, Ош қаласымен бауырластық байланыстар нығайтылды, ал Пловдив қаласымен жаңа серіктестік орнатылды.
Жалпы, туризмді, креативті индустрияны және халықаралық әріптестікті дамыту Шымкенттің әлеуметтік-экономикалық өрлеуіне серпін беріп, қаланың аймақтағы іскерлік және мәдени орталық ретіндегі мәртебесін арттыра түсуде.
Сыртқы байланыстар бағытында да ілгерілеушілік бар. Жыл басынан бері 26 дипломатиялық кездесу өткізіліп, Франция, Қытай, Қырғызстан және Болгариямен жаңа серіктестік жобаларға қол қойылды. Парижде «Шымкент күндері» ұйымдастырылып, Пловдив қаласымен бауырластық байланыс орнатылды. Осылайша, Шымкент туризмді дамыту, халықаралық ынтымақтастықты нығайту және креативті индустрияны өркендету арқылы өзінің мәдени, экономикалық және инвестициялық әлеуетін арттырып келеді.

JQ-Aqparat

Сурет: Шымкент қаласы Өңірлік коммуникациялар қызметі