Рүстем Жүгінісов Instagram-да інісі «Мирас Жүгінісовпен хит жазу ойыңызда бар ма» деген сұраққа жауап берген.
Жүгінісовтің айтуынша, ол қазір әнші емес. Оған мұндай сұрақ қойылмағалы біраз болған.
«Күлейін бе, жылайын ба? Мұндай сұрақтар қоймағалы біраз болған еді, негізі. Сіздер білесіздер ме, мен ән айтпай, әнді тастағаныма екі жыл болғанын. Мына түріммен қалай мен Мираспен хит жазамын», — дейді Жүгінісов сақалын ұстап. Ол басқа жолды таңдағанын айтады.
«Болды мен басқа жолды таңдадым. Мен әнші емеспін қазір, сондықтан да біліп жүріңіздер, Мираспен хит жазбайтынымды», — дейді Жүгінісов.