Ресейдің Орынбор облысында «Ата жолы» бірлестігінің жетекшісі Жұмақыз Кішіғановға қатысты сот үкімі шықты. Бұл туралы РИА «Оренбуржье» хабарлайды.
Ол екі бап бойынша, «қоғамға адам денсаулығына зиян келтіретін діни білестік құрғаны» және «тұтынушылардың өмірі мен қауіпсіздігіне жауап бермейтін қызмет ұсынғаны» үшін айыпты деп танылды. Сот айыпталушыны екі жылға бас бостандығынан айырды. Ақпаратта Ж.Кішіғанова 2005 жылы Қазақстан және Ресей аумағында теріс ағымды насихаттайтын «Ата жолы» бірлестігін ұйымдастырғаны айтылды. Бірлестік шамандық пен әруаққа табынуға үгіттеген. Орынбордағы «Ата жолы» ұйымы ақылы түрде көз тию мен жан жарақатынан жазатын, әруақтармен байланыстыратын түрлі жоралғылар жасаған. Бұл дәстүрлі емес емдеу әрекеті жергілікті тұрғындардың психологиялық күйіне кері әсер етіпті.