Психолог Назира Бұрханова көп жауапкершілікті өз мойнына алатын нәзік жандыларға арнап жазба қалдырды.
«Әйелдің қырық жаны бар». Бұл бізге қоғам таңып берген стереотип. Шын мәнісінде, әйелде қырық жан жоқ. Жанда жыныс болмайды.
Барлығына әйел жауапты деу, мойнына көп жүк арту — патриахалды қоғамның белгісі. Әлбетте, әйел бәріне, әсіресе қайын жұртқа мінезімен де, ісімен де жағуға міндетті емес. Солардың асты-үстіне түсіп өмір сүргеннің өтемі қымбатқа түседі. Қаншама ресурс, әйелдің өзі жұтылып орта жолда қалып кетуі мүмкін. Әйел тек бақытты болуға міндетті!
Иә, бұл сөз сырт көзге эгоизм болып көрінуі мүмкін. Соңғы кездері осы сөздің мәнін ұқтым. Менің ойымша, бұндай тақырыптар жиі айтыла беруі керек сияқты. Сонда ғана «сең қозғалады», адамдардың түйсігіне жетеді»,-дейді маман.
JQ-Aqparat