Мемлекет басшысы Қасым-Жомарт Тоқаев Жоғары аудиторлық палата төрайымы Наталья Годунованы қабылдады.
Президент Жоғары аудиторлық палатаның биылғы бірінші жарты жылдықта атқарған қызметі жөніндегі есепті тыңдады.
Алты айдың ішінде барлығы 9,3 триллион теңге бюджет қаржысы бойынша 121 нысанда 12 аудиторлық тексеріс жүргізілген.
Сондай-ақ Н.Годунова экология және табиғи ресурстар министрлігіне, еңбек және халықты әлеуметтік қорғау министрлігіне қарасты ұйымдарға, сондай-ақ «Қазсушар» РМК-ға және тағы да басқа мекемелерге жүргізілген жекелеген аудиторлық тексерістердің қорытындысы жөнінде мәлімет берді.
Президент бюджет қаржысының жұмсалуына және мемлекеттік бағдарламалардың жүзеге асырылу тиімділігіне аудит жүргізу жөнінде бірқатар нақты тапсырма берді.
JQ-Aqparat