Полиция Майғазиев пен Еспановтың ұлдары ойынының билеттерін 500 мыңнан сатты деген ақпараттан кейін тексеріс жүргізеді

Полиция Майғазиев пен Еспановтың ұлдары ойынының билеттерін 500 мыңннансатты деген ақпараттан кейін тексеріс жүргізеді, деп хабарлайды jasqazaq.kz

Ішкі істер вице-министрі Санжар Әділовтен 30 қыркүйекте Алматыда өткен «Қайрат» – «Реал» матчының билеттеріне қатысты алыпсатарлықты ІІМ қалай түсіндіреді деген сұрақ қойылды.

Алдыңғы күні әлеуметтік желілерде танымал әншілер Нұрлан Еспанов пен Сәкен Майғазиевтің ұлдарына қатысты талқылау қызу жүрді. Желі қолданушылары оларды Чемпиондар лигасындағы «Қайрат» пен «Реал» Мадрид арасындағы ойынға билеттерді қайта сатты деп айыптады.

Бұған дейін пабликтерде Нұрлан Еспановтың ұлы матч билеттерін 500-600 мың теңге аралығындағы бағамен ұсынды деген ақпарат шыққан болатын.

«Бұл ақпаратты мен қазір сіздерден білдім. Егер бізге ресми шағым түссе, міндетті түрде тексеру жүргізіп, процессуалдық шешім қабылдаймыз», – деп жауап берді Санжар Әділов.

Сурет: Әлеуметтік желіден/jasqazaq.kz