Перизат Қайрат ісі: тасқын кезінде НЗМ қызметкерлері 2,9 млн теңге жолдаған

Елордада волонтер, қайырымдылық қоры жетекшісі Перизат Қайрат пен оның анасы Ғайни Алашбаеваға қатысты қылмыстық іс бойынша зардап шеккен жандардан жауап алу жалғасып жатыр.

Inform.kz хабарлағандай, бүгін қылмыстық істің үшінші эпизоды қаралып жатыр. Жаңа Назарбаев Зияткерлік мектебінің педагог-ұйымдастырушы-кураторы Жанерке Сатқымбековадан жауап алынды. Оның айтуынша, ата-аналар, оқушылар және мұғалімдер атынан тасқын кезінде, нақты айтқанда 2024 жылғы 10 сәуірде банктің онлайн-қосымшасы Biz birgemiz қайырымдылық қорына 2,9 миллион теңге аударған.

Прокурордың «Неліктен дәл Biz Birgemiz қорын таңдадыңыздар?» деген сұрағына жәбір көруші:
«Өйткені, қор туралы барлық жерде жарнамаланды, сондықтан осы қорға жіберуді шештік», — деп жауап берді.

Қазір судья күдікті Перизат Қайраттың анасы Ғайни Алашбаева сот барысында өзін жайсыз сезінуіне байланысты уақытша үзіліс жариялады.

Фото: inform.kz