Павлодарда әйел екі баласымен 5-ші қабаттан секіріп кетті

Павлодар қаласында бір әйел екі баласын 5-ші қабаттан тастап, артынан өзі секіріп кеткен, деп хабарлайды jasqazaq.kz.

Жедел жәрдемді өтіп бара жатқан адам шақырған соң, үш бригада 6 минутта жеткен. 103 баспасөз қызметінің мәліметінше, үшеуінің де жағдайы ауыр. Әйел секірген кезде пәтерде басқа ешкім болмағаны анықталды. Өз-өзіне қол жұмсау және өлтіруге оқталу әрекеті бойынша қылмыстық іс қозғалды.
Павлодар облысы полиция департаментінің мәліметінше, әйел мен балалар үйдің кіре берісіндегі шатырға құлаған.
ПД әйелдің арнайы медициналық мекемеде есепте тұрғанын айтты.
Оқиға орнында жедел-тергеу тобы жұмыс істеп жатыр.

JQ-Aqparat