Қостанай облысы ІІД есірткі бизнесімен күрес басқармасының қызметкерлері заңсыз айналымнан 3 келіден астам героин тәркіледі, деп хабарлады өңірлік ІІД баспасөз қызметі.
ҚазАқпарат хабарлағандай, «Қостанай облысында есірткі сатумен айналысқан 11 күдікті ұсталды, деп нақтылады ресми хабарламада, — олар бұдан бұрын осындай қылмыстары үшін сотталған». Қостанайда 9 желтоқсанда әлгілерді ұстау операциясы жүргізілді. 59 жастағы әйелге тиесілі жекеменшік үйден полиция қызметкерлері тінту барысында есірткі салынған пакет тапты. Сот-химиялық сараптамаға сәйкес тәркіленген зат салмағы 3 келі 227 грамм георин болып табылады. «Сондай-ақ күдіктінің үйінде есірткі өлшейтін құралдар, тіркелмеген аңшылық қару, сыбайластарымен байланысқа шыққан 64 телефон тәркіленді, — делінген хабарламада. Жедел тергеу шаралары барысында ІІД ЕКБ қызметкерлері есірткі саудасымен айналысқан сыбайластарына шықты. Олар облыс аумағына сату үшін олардан тұрақты түрде героин алып отырған. Қазір олар тұтқындалды, ҚР ҚК 297-бабы 3-бөлімі бойынша соталды тергеу жүргізілуде. Жыл басынан бастап облыс аумағында 340 келіден астам есірткі заттары тәркіленген, олардың 7 келіден астамы героин.