Өндіріс азаяды, мұнай қымбаттады

Кеше әлемдік биржада Brent (Солтүстік теңіздегі кеніштің атауы) маркалы «қара алтын» құны 90 доллардан асты. Бұл қара майдың биылғы 7 шілдеден бері 12 долларға қымбаттағанын көрсетеді. Қазақ мұнайының сауда-саттығы да осы маркамен жүргізіледі.
Көмірсутегі сарапшылары «қара алтын» бағасының өсуіне Сауд Арабиясының шешімі себеп болды деген пікірде. Күні кеше осы ел өз еркімен өндіріс көлемін тағы 3 айға қысқартты. Енді тәулігіне шығарылатын мұнай мөлшері 1 млн баррельге азайып, 9 миллионды құрайды. Бұл — соңғы бірнеше жылдағы ең төменгі көрсеткіш. Мұның «қара алтын» нарығында бағаны тұрақтандыруға бағытталған амал екені мәлім. Әр Риядтан кейін іле-шала Ресей де экспорттық шектеуін жыл соңына дейін ұзартты.
Айта кеткен жөн, ОПЕК+ қауымдастығы шеңберінде Қазақстан да жыл соңына дейін мұнай өндірісі көлемін тәулігіне 78 мың баррельге азайтады.
JQ — Naryq

Сурет: freepik.com