Өлгенше ұрып-соқты: Айзат Жұманованың күйеуіне қатысты сот үкімі шықты

09 қантар, 10:40

Сурет: КТК

Талдықорғанда Айзат Жұманованы өлтіру ісі бойынша қоғамда кең талқыланған сот процесінде үкім шықты. Сот марқұмның күйеуін қылмыс жасағаны үшін кінәлі деп таныды. Судья Айбара Жанболатты кінәлі деп танып, орташа қауіпсіздік деңгейіндегі колонияда 14 жыл бас бостандығынан айыру жазасын тағайындады.

Еске салайық, Жетісу облысы Ақсу ауданында болған қайғылы оқиға 2025 жылғы 22 маусымда орын алған. Сотқа дейінгі тергеп-тексеру деректеріне сәйкес, Баласаз ауылының тұрғыны Айзат Жұманова ауыр жарақаттармен ауруханаға жеткізіліп, кейін жансақтау бөлімінде көз жұмған.

Қылмыс 2025 жылғы 22 маусымда жасалған. Сот-медициналық сараптама қорытындысына сәйкес, жәбірленушінің жабық бас-ми жарақаты, мидың ісінуі, бас сүйегінің түбі, қол-аяқтары мен жамбас сүйектерінің сынуы, сондай-ақ дөрекі бетпен сүйретілгенінің іздері анықталған. Бұған дейін ер адам әйелінің селфи түсіру кезінде терезеден құлап кеткенін мәлімдеген болатын.