«Автобус» жедел алдын алу шарасының екі күнінде СҚО полицейлері қоғамдық көлік жүргізушілері тарапынан жолда жүру ережесін бұзудың 161 фактісін анықтады, деп хабарлады ҚазАқпарат СҚО ІІД баспасөз қызметіне сілтеме жасап.
Олардың 13-і көлікті құжатсыз басқару, 62-сі ұялы телефонмен сөйлесу фактілері, 28 жүргізуші жылдамдықты асырса, 7 жүргізуші міндетті техникалық бақылаудан өтпеген көлікпен жолға шыққан. Сонымен қатар, мас күйінде Прибрежное ауылынан облыс орталығына жолаушыларды тасымалдаған «ВАЗ 2106» көлігінің жүргізушісі ұсталды.
Бұдан бөлек, «Петропавл-Қарағанды» бағытына қызмет көрсететін автотасымалдаушы жолда жүру ережесінің өрескел бұзылуына жол берген. Тайынша ауданында тоқтатылған «Манн» маркалы автобусты басқарған азаматтың жүргізушісі куәлігінде тиісті санат болмаған. Әкімшілік хаттама толтырылып, жүргізуші жұмысынан шеттетілді. Жолаушылар өзге автобусқа отырғызылды.
WhatsApp: +7 705 717 9113
