Оқушыға қол көтерген мұғалім жұмыстан кетті (видео)

Алматы облысында оқушыны ұрған мұғалім жұмыстан шығарылды. Даулы жағдай Іле ауданындағы Байсерке ауылындағы №9 мектепте орын алған.

ҚазАқпарат хабарлағандай, 7-ші сынып оқушысына қол жұмсаған химия пəнінің мұғалімі болып шықты. Соққы алған оқушы бала мұғалімнің қызына қол жұмсаған көрінеді. Сол себепті анасы ұрған балаға есесін қайтару үшін үзіліс уақытында сыныпқа келіп, оны төпелей жөнелген. «Қазір аталған жағдай бойынша арнайы шешім қабылданып, ұстаз Мира Мамедалиева жұмыстан кетті», — дейді облыстық білім басқармасының басшысы.