Мектепте есірткі сатқандар өмір бойына бас бостандығынан айрылады

Бүгін Орталық коммуникациялар қызметінде өткен брифингте ІІМ есірткі қылмысына қарсы іс-қимыл комитетінің басқарма бастығы Бақытжан Әмірханов мектепте есірткі сатқандарға аяушылық жоқ екенін мәлімдеді.
Оный айтуынша, білім беру мекемесінде есірткі сатқандар өмір бойына сотталады.
Ол: «Мұндай жағдай бірнеше жыл бұрын Қызылорда облысында тіркелді. Қазір заңға сәйкес мектеп аумағында есірткі сатқандар өмір бойына сотталады», – деді. Өткен жылы мұндай жағдай тіркелмепті.
Қылмыстық кодекстің 297-1-бабының 4-бөлігіне сәйкес, қылмыстық топ не лауазымды адам қызмет бабын пайдаланып есірткі, психотроптық заттарды дайындап, қайта өңдеп, өндіргені үшін мүлкі тәркіленіп, 15 жылдан 20 жылға дейінгі мерзімге бас бостандығынан не өмір бойына бас бостандығынан айрылады.
JQ-Aqparat

Сурет: gov.kz